/
news/ဂျာနယ်များ၊-မဂ္ဂဇင်းများနှင့်-သတင်းများ/ပန်းလှိုင်စီလုံဆေးရုံကြီးတွင်-ပျော်ပွဲရွှင်ပွဲကျင်းပမည်

ပန်းလှိုင်စီလုံဆေးရုံကြီးတွင် ပျော်ပွဲရွှင်ပွဲကျင်းပမည်

Category
ဂျာနယ်များ၊ မဂ္ဂဇင်းများနှင့် သတင်းများ

          ပန်းလှိုင်စီလုံဆေးရုံကြီးတွင် မွေးဖွားခဲ့သော သားသားမီးမီးများအတွက် “မိခင်နှင့် ကလေးများနေ့ ပျော်ပွဲရွှင်ပွဲ 2016” ကို ဒီဇင်ဘာလ 11 ရက်နေ့ ၊ နံနက် 9 နာရီမှ နေ့လည် 12 နာရီအထိ ပန်းလှိုင်စီလုံဆေးရုံကြီးတွင် ကျင်းပပြုလုပ်သွားမည်ဖြစ်ကြောင်း သိရသည်။

          အဆိုပါပျော်ပွဲရွှင်ပွဲတွင် အနုပညာရှင်များ၏ တေးသီချင်း သီဆိုဖျော်ဖြေတင်ဆက်မှုများ၊  ကလေးအသုံးအဆောင်ဆိုင်ရာပြခန်းများ၊ စားသောက်ဆိုင်ခန်းများ ၊သားသားမီးမီးတို့ အတွက် ပျော်ရွှင်စရာ ဂိမ်းကစားနည်း မျိုးစုံ ၊ ရယ်မောပျော်ရွှင်စရာ ဖျော်ဖြေတင်ဆက်မှုမျိုးစုံအပြင် ပန်းလှိုင်စီလုံဆေးရုံကြီးမှ သားသားမီးမီးလေးများအတွက် ချစ်စရာ လက်ဆောင်ပစ္စည်းများစွာပေးအပ်ခြင်း စသည်ဖြင့် စုံလင်စွာ ပြင်ဆင်ထားကြောင်း ပျော်ပွဲရွှင်ပွဲ ကျင်းပရေးကော်မတီမှ သိရသည်။

          ပန်းလှိုင်စီလုံဆေးရုံကြီးတွင် မွေးဖွားခဲ့သော ကလေးများနှင့် မိသားစုများအတွက် ထူးထူးခြားခြားအမှတ်တရများဖြစ်စေလိုသောရည်ရွယ်မှုများဖြင့် နှစ်စဉ်နှစ်တိုင်း မိခင်နှင့်ကလေးများနေ့ကို ကျင်းပမြဲဖြစ်ကြောင်းလည်း သတင်းရရှိသည်။

 

May Su Hlaing

www.drmyanmar.com