/
news/ကျန်းမာရေး-ဆိုင်ရာဗဟုသုတများ/အရိုးရှင်းဆုံး-ကျန်းမာအောင်-နေထိုင်နည်း-0

အရိုးရှင်းဆုံး ကျန်းမာအောင် နေထိုင်နည်း

Category
ကျန်းမာရေး ဆိုင်ရာဗဟုသုတများ

>>    လိုအပ်သလောက် ကယ်လိုရီပဲ စားပါ
        ကိုယ် နေ့တိုင်းစားနေတဲ့ပမာဏဟာ မထင်မှတ်ဘဲ များနေတာမျိုး ဖြစ်တတ်ပါတယ်။ စားနေကျ ကယ်လိုရီပမာဏကို ၄ ပုံ ၁ ပုံ လောက် လျှော့စားလိုက်တာက အတော်လောက်ပါပဲတဲ့။

>>    တစ်နေ့ နာရီဝက် လမ်းလျှောက်ပါ
        မိနစ် ၃၀ တစ်ခါတည်း မလျှောက်နိုင်သေးရင် ၁၀ မိနစ် တစ်ခါ ၃ ကြိမ် လျှောက်ပါ။ လမ်းလျှောက်တာက အောက်စီဂျင်ကို ဦးနှောက်ထဲ ပိုရောက်စေတယ်၊ စားထားတဲ့ ကယ်လိုရီတွေကို ကြွက်သားအဖြစ် ပြောင်းပေးပါတယ်။ အရိုးအဆစ်တွေအတွက်လည်း ကောင်းပါတယ်။

>>    ကျန်းမာရေးကို ပုံမှန်စစ်ဆေးပါ
        ရောဂါဖြစ်မှ ကုသတာထက် ကြိုတင်ကာကွယ်ထားတာက ပိုပြီးထိရောက်ပါတယ်။ တစ်နှစ်တစ်ခါ တစ်ကိုယ်လုံးကို စစ်ဆေးတာမျိုး၊ မကြာမကြာ သွေးပေါင်ချိန်၊ ဆီးချို သွေးချို စစ်တာမျိုးပေါ့။

>>    အချိုရည်တွေ၊ သကြားလုံးတွေကို စွန့်လွှတ်လိုက်ပါ
        ဒါတွေဟာ ကယ်လိုရီပမာဏ အရမ်းများပြီး လိုအပ်တဲ့ အာဟာရတန်ဖိုး ဘာမှမရှိတဲ့အပြင် အဝလွန်တာနဲ့ ဆီးချို၊ သွေးချိုတွေ ဖြစ်စေနိုင်ပါတယ်။

>>    ဒီအလေ့အကျင့်တွေကို အပေါင်းအသင်းတွေ၊ အသင်းအဖွဲ့တွေနဲ့အတူ မျှဝေပါ၊ အတူတူ လုပ်ဆောင်ပါ
        သူငယ်ချင်းတစ်ယောက်နဲ့ဖြစ်ဖြစ်၊ အပေါင်းအသင်းတွေနဲ့ဖြစ်ဖြစ် တစ်ပတ်တစ်ခါလောက် တွေ့ဆုံပြီး ကောင်းတဲ့အလေ့အကျင့်တွေကို မျှဝေတာ၊ အားပေးတာမျိုးတွေဟာ တစ်ယောက်တည်း လုပ်တာထက်စာရင် ပိုပြီးအကျိုးရှိ၊ ပိုပြီးလည်း အလုပ်ဖြစ်ပါတယ်။

Htar (www.drmyanmar.com)