/
news/ကျန်းမာရေး-ဆိုင်ရာဗဟုသုတများ/ကိုရိုနာဗိုင်းရပ်စ်-နဲ့-ရိုးရိုးအအေးမိတာ-ဘာတွေကွာသလဲ

ကိုရိုနာဗိုင်းရပ်စ် နဲ့ ရိုးရိုးအအေးမိတာ ဘာတွေကွာသလဲ

Category
ကျန်းမာရေး ဆိုင်ရာဗဟုသုတများ

ရိုးရိုးအအေးမိခြင်းတချို့ဟာ တကယ်တော့ ကိုရိုနာဗိုင်းရပ်စ်တွေကြောင့်ပါပဲ။ လူသားတွေဟာ ရိုးရိုး ကိုရိုနာဗိုင်းရပ်စ်တွေနဲ့ ရင်းနှီးပြီးသားပါ။ လက်ရှိကူးစက်နေတဲ့ COVID-19 လို့ခေါ်တဲ့ သေစေနိုင်တဲ့ရောဂါကတော့ ဆင့်ကဲပြောင်းလဲသွားတဲ့ Novel Coronavirus (ထူးခြား ကိုရိုနာဗိုင်းရပ်စ်) ကြောင့်ပဲ ဖြစ်ပါတယ်။ ဒါကြောင့် ကိုရိုနာဗိုင်းရပ်စ် နဲ့ ရိုးရိုးအအေးမိခြင်းတို့ဟာ အသက်ရှူလမ်းကြောင်းလက္ခဏာမှာ အတော်လေး တူညီကြပါတယ်။

>>  ရိုးရိုးအအေးမိခြင်း ရောဂါလက္ခဏာများ
●  (၂) ရက်မှ (၃) ရက်အတွင်း ရောဂါလက္ခဏာ အပြင်းထန်ဆုံးဖြစ်ခြင်း (အချို့တွင် ၁၀ ရက် မှ ၁၄ ရက်ထိ ကြာနိုင်)
●  နှာစေးခြင်း၊ နှာချေခြင်း၊ နှာခေါင်းပိတ်ခြင်း
●  လည်ပင်းနာခြင်း
●  ချောင်းဆိုးခြင်း
●  မျက်ရည်ပူများကျခြင်း
●  ကိုယ်ပူခြင်း (အချို့ကတော့ ကိုယ်မပူတတ်ပါဘူး)

>>  ကိုရိုနာဗိုင်းရပ်စ် ရောဂါလက္ခဏာများ
●  ရောဂါပိုးနဲ့ ထိတွေ့ပြီး (၂) ရက် မှ (၁၄) ရက် အတွင်း ရောဂါလက္ခဏာပြသခြင်း (ရောဂါပြင်းနိုင်)
●  ချောင်းဆိုးခြင်း
●  အသက်ရှူကြပ်ခြင်း
●  ကိုယ်ပူခြင်း
●  အဆုတ်ရောင်ခြင်း (လည်ပင်းနာခြင်း၊ နှာစေးခြင်း၊ ပျို့အန်ခြင်း၊ ဝမ်းလျှောခြင်းတို့ အဖြစ်နည်း)

ရောဂါနှစ်မျိုးလုံးအတွက် သီးသန့် အမြစ်ပြတ်ကုသဆေး မရှိသေးတဲ့အတွက် စနစ်တကျ ကာကွယ်ဖို့ လိုအပ်ပါတယ်။

>>  ကာကွယ်နည်းများ
●  လက်ကို ဆပ်ပြာနဲ့ စက္ကန့် (၂၀) ခန့်ကြာအောင် စင်ကြယ်စွာဆေးပါ။
●  မသန့်ရှင်းသောလက်ဖြင့် ပါးစပ်၊ နှာခေါင်း၊ မျက်စိတို့ကို ထိတွေ့ခြင်းမှ ရှောင်ကြဉ်ပါ။
●  ဖျားနာနေသောသူများနဲ့ အနီးကပ်ထိတွေ့ခြင်းကို ရှောင်ကြဉ်ပါ။
●  ဖျားနာနေပါက အိမ်မှာပဲ အနားယူပါ။
●  ရောဂါပိုးရှိနေနိုင်သော နေရာများကို မကြာခဏ ပိုးသတ်ပေးပါ။

ဒေါက်တာ နေလွင်ထူး (www.drmyanmar.com)