/
news/ကိုယ်၀န်ဆောင်နှင့်ကျန်းမာရေး/ကလေးမွေးခါနီးလို့-ဗိုက်နာတာလား-၊-မွေးချင်လို့-နာတာမဟုတ်ဘဲ

ကလေးမွေးခါနီးလို့ ဗိုက်နာတာလား ၊ မွေးချင်လို့ နာတာမဟုတ်ဘဲ နာနေတာလား

Category
ကိုယ်၀န်ဆောင်နှင့်ကျန်းမာရေး

    ကလေးမွေးခါနီးလို့ ဗိုက်နာတာလား၊ မွေးချင်လို့ နာတာမဟုတ်ဘဲ နာနေတာလား ဆိုတာကို ခွဲခြားရတာ ခက်ပါတယ်။ ဒီနှစ်ခုရဲ့ ကွာခြားချက်တွေကို ဖော်ပြလိုက်ပါတယ်။

>>    တကယ်မွေးခါနီးလို့ ဗိုက်နာခြင်း
●    ကိုယ်ဝန် ၃၇ ပတ်ကျော်မှစပြီး ဗိုက်နာလေ့ရှိပြီး ဒီထက်စောပြီး ဗိုက်နာတယ်ဆိုရင် လမစေ့ဘဲ မွေးချင်တဲ့လက္ခဏာတွေပဲ ဖြစ်ပါတယ်။
●    ဗိုက်နာတဲ့ပုံစံရှိပြီး ပုံမှန်နာလေ့ ရှိပါတယ်။
●    အချိန်ကြာလာလေ ဗိုက်နာတာ ပိုဆိုးလာလေဖြစ်ပြီး ဗိုက်နာချိန်လည်း ပိုကြာလာပါတယ်။
●    ခါးအောက်ပိုင်း အနောက်ဘက်ကနေ စနာပြီး ပေါင်ခြံဘက်ဆီကို နာတာ ပြန့်သွားတတ်ပါတယ်။
●    ဘယ်လိုလှုပ်ရှားမှုမျိုးကြောင့်မဆို သားအိမ်ကျုံ့တာ ရပ်မသွားစေပါဘူး။
●    ရေမွှာ ပေါက်လာနိုင်ပါတယ်။
●    သွေးဆင်းနိုင်ပါတယ်။
●    သားအိမ်ခေါင်း အပြောင်းအလဲ ဖြစ်နိုင်ပါတယ်။

>>    မွေးခါနီးမဟုတ်ဘဲနာခြင်း
●    ကိုယ်ဝန် ဒုတိယသုံးလပတ်ကတည်းကစပြီး ဗိုက်နာနေပြီး မွေးခါနီးသုံးလမှာဆိုရင် နာတာ ပိုစိပ်လာပါတယ်။
●    ဗိုက်နာတာက ပုံမမှန်ဘဲ နာချင်သလို နာပါတယ်။
●    အချိန်ကြာလာပေမယ့် ပိုဆိုးလာတာမျိုး မရှိပါဘူး။
●    ဗိုက်တစ်ခုလုံးတင်းပြီး နာနေတတ်ပါတယ်။
●    လှုပ်ရှားမှု တစ်ခုခုကြောင့် ဗိုက်နာတာ ရပ်သွားပါတယ်။
●    ရေမွှာ မပေါက်ပါဘူး။
●    သွေးမဆင်းပါဘူး။
●    သားအိမ်ခေါင်း အပြောင်းအလဲ မရှိပါဘူး။

Dr. Mya Myo Myo Swe (www.drmyanmar.com)